Símahlið á neðra svæði (svæði #1) hefur verið tekið í notkun.

Sep 11

Númer til að hringja í er 664 9604.

Munið að það þarf að hringja í hliðið til að opna það, sama úr hvorri áttinni er komið að því.

Rétt er að minna á að eftir að bíll er farinn í gegn þá lokast hliðið eftir nokkrar sekúndur. Því er ekki ráðlegt að fleiri en einn bíll fari í gegn i einni bunu.

Fundargerð aðalfundar 2023

Jun 21

Fundargerð síðasta aðalfundar var sett hér á vefinn í síðustu viku en ritara láðist að setja frétt á vefinn að því tilefni. Í fundargeðrinni má lesa um ákvarðanir sem teknar voru á fundinum umræðum og hverjir skipa stjórn félagsins. /ssjo

Aðalfundur 2023

May 16

Aðalfundur sumarbústaðafélagsins Norðurnes verður haldinn miðvikudaginn, 31. maí kl 19:00 að Vesturvör 36. Kópavogi.

Dagskrá: 

• Fyrirhugaðar framkvæmdir sumarsins vegna vatnsveitu.
• Kynning/umræða um kostnaðaráætlun vegna vatnsveitu og fjármögnun
• Framkvæmdagjald fyrir vatnsveitu verður u.þ.b. 180.000 kr á lóð, skipt í 4 greiðslur.
• GSM hlið á svæði 1.
• Breytingar á stjórn.
• Umræða um leiksvæði, vatnsinntök o.fl.
• Skipan í nefndir. (Girðingarnefnd, brennunefnd)
• Venjuleg aðalfundarstörf.

Kveðja,

Stjórnin

Íbúafundur í Kjós

May 02

Sveitarstjórn Kjósarhrepps boðar til íbúafundar 25. maí 2023 kl. 17:00 í Félagsgarði og sumarhúsaeigendur eru velkomnir.

Það verður meðal annars rætt um tilvonandi áætlanir að kveikja á hitaveituhemlum og því gæti verið áhugavert að mæta.

Nánari upplýsingar hér

Stjórnin

Ný vefsíða

Apr 16

Á 10 ára afmæli nordurnes.is síðunnar er komin glæný vefsíða í loftið.

Þessi nýja er einfaldari en sú gamla og nokkuð strípuð eins og er en ég vona að hún eigi eftir að fullnægja hlutverki sínu í gegnum næstu árin. Það vantar ennþá einhverja fítusa frá gömlu síðunni en ég mun bæta þeim við á næstu vikum.

Nonni

Vatnið að klárast í efri byggðum

Mar 14

Það er að verða vatnslaust I hverfinu. Við hvetjum fólk að fara sparlega með vatnið.

Vatnslaust

Dec 26 '22

Það er vatnslaust í Norðurnesinu.

Við viljum biðja fólk með heita potta að passa uppá að það sé ekki kveikt á rennsli á köldu vatni í þá og biðlum til allra að fara varlega með það litla kalda vatn sem gæti komið úr krananum og helst að sturta ekki niður úr klósettum.

Ef þið sjáið einhverja blauta bletti í umhverfi ykkar sem gætu bent til leka, vinsamlegast látið vita.

Stjórnin

Lokaður vegur að efri svæðum

Sep 27 '22

Kæru Norðurnesingar.

Fyrirhugað er að rjúfa veginn í gilinu og skipta um ræsið klukkan 10:00 í fyrramálið miðvikudaginn 28 sept.

Gera má ráð fyrir að vegurinn verði lokaður til klukkan 15:00 sama dag.

Stjórnin

Fundargerð aðalfundar

Jun 16 '22

Fundargerðin fyrir nýafstaðinn aðalfund er nú aðgengileg á vefnum hérna. Meðfylgjandi skjöl eru aðgengileg hérna.

Takið eftir að félagsgjald fyrir hverja lóð er nú 40.000 kr og verður sendir út greiðsluseðlar í heimabanka innan tíðar.

Stjórnin.

Aðalfundarboð 2022

Apr 28 '22

Kæru félagar í sumarhúsafélaginu í Norðurnesi. Aðalfundur félagsins verður haldinn fimmtudaginn 12. maí næstkomandi og hefst fundurinn klukkan 20:00. Árni formaður hefur boðist til að hýsa fundinn og verður hann haldinn í matsal fyrirtækisins HD á Kársnesi í Kópavogi. Gengið er inn í húsið norðanmegin og upp hringstiga upp á aðra hæð. Heimilisfangið er Vesturvör 36. Á dagskrá fundarins, auk venjulegra aðalfundarstarfa er meðal annars; • Vatnsveita, ástand, fyrirhugaðar viðgerðir og endurbætur. • Ofaníburður og vegaframkvæmdir. • Uppsetning á símahliði á svæði 1. Kostnaðar- og framkvæmdaáætlun • Snjómokstur og fyrirkomulag vetrarþjónustu. • Önnur mál sem brenna á félagsmönnum. Með kveðju, stjórn sumarbústaðafélagsins Norðurnes.